diwanon se kah do ki chali baad-e-bahaari
kya ab ke baras chaak gareban na karenge

Rind Lakhnavi

---

---

aankh se qatl kare lab se jalae murde
shoabada-baz ka adna sa karishma dekho

Rind Lakhnavi

---

---

aadmi pahchana jata hai qayafa dekh kar
KHat ka mazmun bhanp lete hain lifafa dekh ka

Rind Lakhnavi

---

---

aalam-pasand ho gai jo baat tum ne ki
jo chaal tum chale wo zamane mein chal gai

Rind Lakhnavi

---

---

agari ka hai guman shak hai malagiri ka
rang laya hai dupaTTa tera maila ho ka

Rind Lakhnavi

---

---

ai junun tu hi chhuDae to chhuTun is qaid se
tauq-e-gardan ban gai hai meri danai mujhe

Rind Lakhnavi

---

---

ai pari husn tera raunaq-e-hindustan hai
husn-e-yusuf hai faqat misr ke bazar ka rup

Rind Lakhnavi

---

---

ai shab-e-furqat na kar mujh par azab
main ne tera munh nahin kala kiya

Rind Lakhnavi

---

---

apne marne ka agar ranj mujhe hai to ye hai
kaun uThaega teri jaur o jafa mere baad

of death the only regret I profess
is who will you then torture and oppress

Rind Lakhnavi

---

---