phir wahi kunj-e-qafas hai wahi sayyaad ka ghar
aur do roz hawa bagh mein kha le bulbul

Rind Lakhnavi

---

---

muzhda-baad ai baada-KHwaro daur-e-waiz ho chuka
madrase khode gae tamir mai-KHana hua

Rind Lakhnavi

---

---

maza paDa hai qanaat ka ahd-e-tifli se
main ser ho ke na pita tha shir-e-madar ko

Rind Lakhnavi

---

---

maut aa jae qaid mein sayyaad
aarzu ho agar rihai ki

Rind Lakhnavi

---

---

mai-kash hun wo ki puchhta hun uTh ke hashr mein
kyun ji sharab ki hain dukanen yahan kahin

Rind Lakhnavi

---

---

mai pila aisi ki saqi na rahe hosh mujhe
ek saghar se do aalam hon faramosh mujhe

Rind Lakhnavi

---

---

laila majnun ka raTti hai nam
diwani hui hai bak rahi hai

Rind Lakhnavi

---

---

laegi gardish mein tujh ko bhi meri aawargi
ku-ba-ku main hun to tu bhi dar-ba-dar ho jaega

Rind Lakhnavi

---

---

kya sun chuke hain aamad-e-fasl-e-bahaar hath
jate hain su-e-jeb jo be-iKHtiyar hath

Rind Lakhnavi

---

---