indan-e-ishq chhuT gae mazhab ki qaid se
ghanTa raha gale mein na zunnar rah gaya

Rind Lakhnavi

---

---

utba-e-kufr hai kis baat mein kam iman se
shaukat-e-kaba to hai shan-e-kalisa dekho

Rind Lakhnavi

---

---

shauq-e-nazzara-e-didar mein tere hamdam
jaan aankhon mein meri jaan raha karti hai

Rind Lakhnavi

---

---

tabiat ko hoga qalaq chand roz
Thaharte Thaharte Thahar jaegi

Rind Lakhnavi

---

---

tha muqaddam ishq-e-but islam par tifli mein bhi
ya sanam kah kar paDha maktab mein bismillah ko

Rind Lakhnavi

---

---

TuTe but masjid bani mismar but-KHana hua
jab to ek surat bhi thi ab saf virana hua

Rind Lakhnavi

---

---

udas dekh ke mujh ko chaman dikhata hai
kai baras mein hua hai mizaj-dan sayyaad

Rind Lakhnavi

---

---

wade pe tum na aae to kuchh hum na mar gae
kahne ko baat rah gai aur din guzar gae

Rind Lakhnavi

---

---

zulfon ki tarah umr basar ho gai apni
hum KHana-ba-doshon ko kahin ghar nahin milta

Rind Lakhnavi

---

---