نہ کعبہ ہے یہاں میرے نہ ہے بت خانہ پہلو میں
لیا کس گھر بسے نے آہ آ کر خانہ پہلو میں

رضا عظیم آبادی

---

---

کیا کہیں اپنی سیہ بختی ہی کا اندھیر ہے
ورنہ سب کی ہجر کی رات ایسی کالی بھی نہیں

رضا عظیم آبادی

---

---

کس طرح رضاؔ تو نہ ہو دھوانے زمانہ
جب دل سا تری بیٹھا ہو بدنام بغل میں

رضا عظیم آبادی

---

---

خواہ کافر مجھے کہہ خواہ مسلمان اے شیخ
بت کے ہاتھوں میں بکا یا ہوں خدا کی سوگند

رضا عظیم آبادی

---

---

ایسا کسی سے جنوں دست و گریباں نہ ہو
چاک گریباں کا بھی چاک گریباں کیا

رضا عظیم آبادی

---

---

کعبے میں شیخ مجھ کو سمجھے ذلیل لیکن
سو شکر میکدے میں ہے اعتبار اپنا

رضا عظیم آبادی

---

---

کعبہ و دیر جدھر دیکھا ادھر کثرت ہے
آہ کیا جانے کدھر گوشۂ تنہائی ہے

رضا عظیم آبادی

---

---

جس طرح ہم رہے دنیا میں ہیں اس طرح رضاؔ
شیخ بت خانے میں کعبے میں برہمن نہ رہا

رضا عظیم آبادی

---

---

اس چشم و دل نے کہنا نہ مانا تمام عمر
ہم پر خرابی لائی یہ گھر ہی کی پھوٹ پھاٹ

رضا عظیم آبادی

---

---