کعبہ و دیر جدھر دیکھا ادھر کثرت ہے
آہ کیا جانے کدھر گوشۂ تنہائی ہے

رضا عظیم آبادی

---

---

ایسا کسی سے جنوں دست و گریباں نہ ہو
چاک گریباں کا بھی چاک گریباں کیا

رضا عظیم آبادی

---

---

اس چشم و دل نے کہنا نہ مانا تمام عمر
ہم پر خرابی لائی یہ گھر ہی کی پھوٹ پھاٹ

رضا عظیم آبادی

---

---

عمارت دیر و مسجد کی بنی ہے اینٹ و پتھر سے
دل ویرانہ کی کس چیز سے تعمیر ہوتی ہے

رضا عظیم آبادی

---

---

الٰہی چشم بد اس سے تو دور ہی رکھیو
کہ مست سخت ہوں میں اور ایاغ نازک تر

رضا عظیم آبادی

---

---

اک دم کے واسطے نہ کیا کیا کیا اے رضاؔ
دیکھا چھپایا توڑا بنایا کہا سنا

رضا عظیم آبادی

---

---

ہم کو ملی ہے عشق سے اک آہ سوز ناک
وہ بھی اسی کی گرمئ بازار کے لئے

رضا عظیم آبادی

---

---

گر گریباں سیا تو کیا ناصح
سینے کا چاک بن سیا ہی رہا

رضا عظیم آبادی

---

---

دیکھی تھی ایک رات تری زلف خواب میں
پھر جب تلک جیا میں پریشان ہی رہا

رضا عظیم آبادی

---

---