عمارت دیر و مسجد کی بنی ہے اینٹ و پتھر سے
دل ویرانہ کی کس چیز سے تعمیر ہوتی ہے

رضا عظیم آبادی

---

---

الٰہی چشم بد اس سے تو دور ہی رکھیو
کہ مست سخت ہوں میں اور ایاغ نازک تر

رضا عظیم آبادی

---

---

اک دم کے واسطے نہ کیا کیا کیا اے رضاؔ
دیکھا چھپایا توڑا بنایا کہا سنا

رضا عظیم آبادی

---

---

ہم کو ملی ہے عشق سے اک آہ سوز ناک
وہ بھی اسی کی گرمئ بازار کے لئے

رضا عظیم آبادی

---

---

گر گریباں سیا تو کیا ناصح
سینے کا چاک بن سیا ہی رہا

رضا عظیم آبادی

---

---

دیکھی تھی ایک رات تری زلف خواب میں
پھر جب تلک جیا میں پریشان ہی رہا

رضا عظیم آبادی

---

---

چلا ہے کعبے کو بت خانے سے رضاؔ یارو
کسی نے ایسا خدائی خراب دیکھا ہے

رضا عظیم آبادی

---

---