تھی پاؤں میں کوئی زنجیر بچ گئے ورنہ
رم ہوا کا تماشا یہاں رہا ہے بہت

راجیندر منچندا بانی

---

---

شامل ہوں قافلے میں مگر سر میں دھند ہے
شاید ہے کوئی راہ جدا بھی مرے لیے

راجیندر منچندا بانی

---

---

پھیلتی جائے گی چاروں سمت اک خوش رونقی
ایک موسم میرے اندر سے نکلتا جائے گا

راجیندر منچندا بانی

---

---

پیہم موج امکانی میں
اگلا پاؤں نئے پانی میں

راجیندر منچندا بانی

---

---

اوس سے پیاس کہاں بجھتی ہے
موسلا دھار برس میری جان

راجیندر منچندا بانی

---

---

محبتیں نہ رہیں اس کے دل میں میرے لیے
مگر وہ ملتا تھا ہنس کر کہ وضع دار جو تھا

راجیندر منچندا بانی

---

---

مرے واسطے جانے کیا لائے گی
گئی ہے ہوا اک کھنڈر کی طرف

راجیندر منچندا بانی

---

---

آج کیا لوٹتے لمحات میسر آئے
یاد تم اپنی عنایات سے بڑھ کر آئے

راجیندر منچندا بانی

---

---

ماضی سے ابھریں وہ زندہ تصویریں
اتر گیا سب نشہ نئے پرانے کا

راجیندر منچندا بانی

---

---