uD chala wo ek juda KHaka liye sar mein akela
subh ka pahla parinda aasman bhar mein akela

Rajinder Manchanda Bani

---

---

mere waste jaane kya laegi
gai hai hawa ek khanDar ki taraf

Rajinder Manchanda Bani

---

---

mohabbaten na rahin us ke dil mein mere liye
magar wo milta tha hans kar ki waza-dar jo tha

Rajinder Manchanda Bani

---

---

os se pyas kahan bujhti hai
musla-dhaar baras meri jaan

Rajinder Manchanda Bani

---

---

paiham mauj-e-imkani mein
agla panw nae pani mein

Rajinder Manchanda Bani

---

---

phailti jaegi chaaron samt ek KHush-raunaqi
ek mausam mere andar se nikalta jaega

Rajinder Manchanda Bani

---

---

shamil hun qafile mein magar sar mein dhund hai
shayad hai koi rah juda bhi mere liye

Rajinder Manchanda Bani

---

---

thi panw mein koi zanjir bach gae warna
ram-e-hawa ka tamasha yahan raha hai bahut

Rajinder Manchanda Bani

---

---

wo TuTte hue rishton ka husn-e-aKHir tha
ki chup si lag gai donon ko baat karte hue

Rajinder Manchanda Bani

---

---