o ro ke log kahte the jati rahegi aankh
aisa nahin hua, meri binai baDh gai

Nomaan Shauque

---

---

mera kuchh raste mein kho gaya hai
achanak chalte chalte ruk gaya hun

Nomaan Shauque

---

---

mohabbat wale hain kitne zamin par
akela chand hi be-nur hai kya

Nomaan Shauque

---

---

mujh ko bhi pahle-pahal achchhe lage the ye gulab
Tahniyan jhukti huin aur titliyan uDti huin

Nomaan Shauque

---

---

nam hi le le tumhaara koi
donon hathon se lutaun KHud ko

Nomaan Shauque

---

---

nam se us ke pukarun KHud ko
aaj hairan hi kar dun KHud ko

Nomaan Shauque

---

---

panw ke niche se pahle khinch li sari zamin
pyar se phir nam mera shah-e-alam rakh diya

Nomaan Shauque

---

---

pahante KHak hain KHak oDhte bichhate hain
hamari rae bhi li jae KHush-libasi pa

Nomaan Shauque

---

---

phir is mazaq ko jamhuriyat ka nam diya
hamein Darane lage wo hamari taqat se

Nomaan Shauque

---

---