mohabbat wale hain kitne zamin par
akela chand hi be-nur hai kya

Nomaan Shauque

---

---

nam se us ke pukarun KHud ko
aaj hairan hi kar dun KHud ko

Nomaan Shauque

---

---

panw ke niche se pahle khinch li sari zamin
pyar se phir nam mera shah-e-alam rakh diya

Nomaan Shauque

---

---

pahante KHak hain KHak oDhte bichhate hain
hamari rae bhi li jae KHush-libasi pa

Nomaan Shauque

---

---

phir is mazaq ko jamhuriyat ka nam diya
hamein Darane lage wo hamari taqat se

Nomaan Shauque

---

---

phul wo rakhta gaya aur main ne roka tak nahin
Dub bhi sakti hai meri naw socha tak nahin

Nomaan Shauque

---

---

puchho ki us ke zehn mein naqsha bhi hai koi
jis ne bhare jahan ko zer-o-zabar kiya

Nomaan Shauque

---

---

qaede bazar ke is bar ulTe ho gae
aap to aae nahin par phul mahnge ho gae

Nomaan Shauque

---

---

ail dekhi hai kabhi sine pe chalne wali
yaad to honge tujhe hath hilate hue hum

Nomaan Shauque

---

---