hamare aib mein jis se madad mile hum ko
hamein hai aaj kal aise kisi hunar ki talash

Natiq Gulavthi

---

---

hamein jo yaad hai hum to usi se kaam lete hain
kisi ka nam lena ho usi ka nam lete hain

Natiq Gulavthi

---

---

hamein kam-baKHt ehsas-e-KHudi us dar pe le baiTha
hum uTh jate to wo parda bhi uTh jata jo hail tha

Natiq Gulavthi

---

---

hichkiyon par ho raha hai zindagi ka rag KHatm
jhaTke de kar tar toDe ja rahe hain saz ke

Natiq Gulavthi

---

---

ho gai aawaragardi be-ghari ki parda-dar
kaam jitna hum ko aata tha wo kaam aa hi gaya

Natiq Gulavthi

---

---

ek harf-e-shikayat par kyun ruTh ke jate ho
jaane do gae shikwe aa jao main baz aaya

Natiq Gulavthi

---

---

intizam-e-roz-e-ishrat aur kar ai na-murad
id aati hi rahi mah-e-siyam aa hi gaya

Natiq Gulavthi

---

---

is KHak-dan-e-dahr mein ghuTta agar hai dam
maqdur ho to aag laga de hawa na mang

Natiq Gulavthi

---

---

ji churane ki nahin shart dil-e-zar yahan
ranj uThane hi ki Thahri hai to phir dil se uTha

Natiq Gulavthi

---

---