majnun se jo nafrat hai diwani hai tu laila
wo KHak uData hai lekin nahin dil maila

Natiq Gulavthi

---

---

mere sine mein nahin hai to ye samjho ki na tha
puchhte kya ho jo hota to yahin dil hota

Natiq Gulavthi

---

---

mil gae tum hath uTha kar mujh ko sab kuchh mil gaya
aaj to ghar luT lai hai dua tasir ki

Natiq Gulavthi

---

---

mile murad hamari magar mile bhi kahin
KHuda kare magar aisa KHuda nahin karta

Natiq Gulavthi

---

---

mujh ko malum hua ab ki zamana tum ho
mil gai rah-e-sukun gardish-e-dauran ke qari

Natiq Gulavthi

---

---

mujh se naraaz hain jo log wo KHush hain un se
main juda chiz hun 'natiq' mere ashaar juda

Natiq Gulavthi

---

---

na mai-kashi na ibaadat hamari aadat hai
ki samne koi kaam aa gaya to kar lena

Natiq Gulavthi

---

---

naz udhar dil ko uDa lene ki ghaton mein raha
main idhar chashm-e-suKHan-go teri baaton mein raha

Natiq Gulavthi

---

---

nazar aata nahin ab ghar mein wo bhi uf re tanhai
ek aaine mein pahle aadmi tha meri surat ka

Natiq Gulavthi

---

---