tum agar jao to wahshat meri kha jae mujhe
ghar juda khane ko aae dar-o-diwar juda

Natiq Gulavthi

---

---

tum aise achchhe ki achchhe nahin kisi ke sath
main wo bura ki kisi ka bura nahin karta

Natiq Gulavthi

---

---

tumhaari baat ka itna hai e'tibar hamein
ki ek baat nahin e'tibar ke qabil

Natiq Gulavthi

---

---

umr bhar ka sath miTTi mein mila
hum chale ai jism-e-be-jaan al-widaa

Natiq Gulavthi

---

---

use pa-ba-gil na rakhta jo KHayal-e-tira-baKHti
jise zarra kah rahe ho yahi ek sharar hota

Natiq Gulavthi

---

---

wafa par naz hum ko un ko apni bewafai par
koi munh aaine mein dekhta hai koi pani mein

Natiq Gulavthi

---

---

wahan se le gai nakaam badbaKHton ko KHud-kaami
jahan chashm-e-karam se KHud-ba-KHud kuchh kaam hona tha

Natiq Gulavthi

---

---

ye KHuda ki shan to dekhiye ki KHuda ka nam hi rah gaya
mujhe taza yaad-e-butan hui jo haram se shor-e-azan uTha

Natiq Gulavthi

---

---

zahir na tha nahin sahi lekin zuhur tha
kuchh kyun na tha jahan mein kuchh to zarur tha

Natiq Gulavthi

---

---