jo bala aati hai aati hai bala ki 'natiq'
meri mushkil ka tariqa nahin aasan hona

Natiq Gulavthi

---

---

jurat-afza-e-sawal ai zahe andaz-e-jawab
aati jati hai ab is but ki nahin han ke qari

Natiq Gulavthi

---

---

kahne wale wo sunne wala main
ek bhi aaj dusra na hua

Natiq Gulavthi

---

---

kaifiyat-e-tazad agar ho na bayan-e-sher mein
'natiq' isi pe roe kyun chang-nawaz gae kyun

Natiq Gulavthi

---

---

kar murattab kuchh nae andaz se apna bayan
marne wale zindagi chahe to afsane mein aa

Natiq Gulavthi

---

---

kashti hai ghaT par tu chale kyun na dur aaj
kal bas chale chale na chale chal uTha to la

Natiq Gulavthi

---

---

kaun is rang se jame se hua tha bahar
kis se sikha teri talwar ne uryan hona

Natiq Gulavthi

---

---

kha gai ahl-e-hawas ki waza ahl-e-ishq ko
baat kis ki rah gai koi adu sachcha na hum

Natiq Gulavthi

---

---

khaiye ye zahar kab tak khae jati hai ye zist
ai ajal kab tak rahenge rahn-e-ab-o-dana hum

Natiq Gulavthi

---

---