asm-e-talab mein kya hai samajh kar uTha qadam
aa tujh ko hum bataen ki kya mang kya na mang

Natiq Gulavthi

---

---

iya-kari ke sajde shaiKH le baiThenge masjid ko
kisi din dekhna ho kar rahegi sar-nigun wo bhi

Natiq Gulavthi

---

---

sab ko ye shikayat hai ki hansta nahin 'natiq'
hum ko ye tajjub ki wo giryan nahin hota

Natiq Gulavthi

---

---

sab kuchh mujhe mushkil hai na puchho meri mushkil
aasan bhi ho kaam to aasan nahin hota

Natiq Gulavthi

---

---

sar se dayar-e-gham ke sanichar utar de
mangal hai jis mein ja ke wo jangal uTha to la

Natiq Gulavthi

---

---

shaiKH jaza-e-kar-e-KHair jo bata raha hai aaj
baat to KHub hai magar aadmi mo'atabar nahin

Natiq Gulavthi

---

---

subh-e-piri mein phira sham-e-jawani ka gaya
dil hai wo subh ka bhaTka jo sar-e-sham mila

Natiq Gulavthi

---

---

tariq-e-dilbari kafi nahin har-dil-azizi ko
saliqa banda-parwar chahiye banda-nawazi ka

Natiq Gulavthi

---

---

to hamein kahta hai diwana ko diwane sahi
pand-go aaKHir tujhe ab kya kahen diwana hum

Natiq Gulavthi

---

---