paband-e-dair ho ke bhi bhule nahin hain ghar
masjid mein ja nikalte hain chori-chhupi se hum

Natiq Gulavthi

---

---

umr bhar ka sath miTTi mein mila
hum chale ai jism-e-be-jaan al-widaa

Natiq Gulavthi

---

---

subh-e-piri mein phira sham-e-jawani ka gaya
dil hai wo subh ka bhaTka jo sar-e-sham mila

Natiq Gulavthi

---

---

tariq-e-dilbari kafi nahin har-dil-azizi ko
saliqa banda-parwar chahiye banda-nawazi ka

Natiq Gulavthi

---

---

to hamein kahta hai diwana ko diwane sahi
pand-go aaKHir tujhe ab kya kahen diwana hum

Natiq Gulavthi

---

---

tum agar jao to wahshat meri kha jae mujhe
ghar juda khane ko aae dar-o-diwar juda

Natiq Gulavthi

---

---

tum aise achchhe ki achchhe nahin kisi ke sath
main wo bura ki kisi ka bura nahin karta

Natiq Gulavthi

---

---

tumhaari baat ka itna hai e'tibar hamein
ki ek baat nahin e'tibar ke qabil

Natiq Gulavthi

---

---

zahir na tha nahin sahi lekin zuhur tha
kuchh kyun na tha jahan mein kuchh to zarur tha

Natiq Gulavthi

---

---