kar murattab kuchh nae andaz se apna bayan
marne wale zindagi chahe to afsane mein aa

Natiq Gulavthi

---

---

kashti hai ghaT par tu chale kyun na dur aaj
kal bas chale chale na chale chal uTha to la

Natiq Gulavthi

---

---

kaun is rang se jame se hua tha bahar
kis se sikha teri talwar ne uryan hona

Natiq Gulavthi

---

---

kho diya shohrat ne apni sher-KHwani ka maza
dad mil jati hai 'natiq' har ratab yabis ke baad

Natiq Gulavthi

---

---

kuchh nahin achchha to duniya mein bura bhi kuchh nahin
kijiye sab kuchh magar apni zarurat dekh ka

Natiq Gulavthi

---

---

kis ko mehrban kahiye kaun mehrban apna
waqt ki ye baaten hain waqt ab kahan apna

Natiq Gulavthi

---

---

kijiye kar-e-KHair mein hajat-e-istiKHara kya
kijiye shaghl-e-mai-kashi is mein kisi ki rae kyun

Natiq Gulavthi

---

---

pahli baaten hain na pahle ki mulaqaten hain
ab dinon mein wo raha lutf na raaton mein raha

Natiq Gulavthi

---

---

KHatm karna chahta hun pech-o-tab-e-zindagi
yaad-e-gesu zor-e-bazu ban mere shane mein aa

Natiq Gulavthi

---

---