ah-naward-e-bayaban-e-gham sabr kar sabr kar
karwan phir milenge baham sabr kar sabr ka

Nasir Kazmi

---

---

shor barpa hai KHana-e-dil mein
koi diwar si giri hai abhi

Nasir Kazmi

---

---

so gae log us haweli ke
ek khiDki magar khuli hai abhi

Nasir Kazmi

---

---

suraj sar pe aa pahuncha
garmi hai ya roz-e-jaza

Nasir Kazmi

---

---

tanab-e-KHema-e-gul tham 'nasir'
koi aandhi ufuq se aa rahi hai

Nasir Kazmi

---

---

tanhaiyan tumhaara pata puchhti rahin
shab-bhar tumhaari yaad ne sone nahin diya

Nasir Kazmi

---

---

teri majburiyan durust magar
tu ne wada kiya tha yaad to ka

Nasir Kazmi

---

---

tere aane ka dhoka sa raha hai
diya sa raat bhar jalta raha hai

Nasir Kazmi

---

---

tere firaq ki raaten kabhi na bhulengi
maze mile unhin raaton mein umr bhar ke mujhe

Nasir Kazmi

---

---