din bhar to main duniya ke dhandon mein khoya raha
jab diwaron se dhup Dhali tum yaad aae
Nasir Kazmi
din guzara tha baDi mushkil se
phir tera wada-e-shab yaad aaya
Nasir Kazmi
gae dinon ka suragh le kar kidhar se aaya kidhar gaya wo
ajib manus ajnabi tha mujhe to hairan kar gaya wo
Nasir Kazmi
girafta-dil hain bahut aaj tere diwane
KHuda kare koi tere siwa na pahchane
Nasir Kazmi
hansta pani rota pani
mujh ko aawazen deta tha
Nasir Kazmi
haal-e-dil hum bhi sunate lekin
jab wo ruKHsat hua tab yaad aaya
Nasir Kazmi
hamare ghar ki diwaron pe 'nasir'
udasi baal khole so rahi hai
Nasir Kazmi
is qadar roya hun teri yaad mein
aaine aankhon ke dhundle ho gae
Nasir Kazmi
is shahr-e-be-charagh mein jaegi tu kahan
aa ai shab-e-firaq tujhe ghar hi le chalen
Nasir Kazmi