aanch aati hai tere jism ki uryani se
pairahan hai ki sulagti hui shab hai koi

Nasir Kazmi

---

---

aaj dekha hai tujh ko der ke baad
aaj ka din guzar na jae kahin

Nasir Kazmi

---

---

aaj to be-sabab udas hai ji
ishq hota to koi baat bhi thi

Nasir Kazmi

---

---

aarzu hai ki tu yahan aae
aur phir umr bhar na jae kahin

Nasir Kazmi

---

---

ai dost hum ne tark-e-mohabbat ke bawajud
mahsus ki hai teri zarurat kabhi kabhi

Nasir Kazmi

---

---

akele ghar se puchhti hai be-kasi
tera diya jalane wale kya hue

Nasir Kazmi

---

---

apni dhun mein rahta hun
main bhi tere jaisa hun

Nasir Kazmi

---

---

hari duniya mein ji nahin lagta
jaane kis chiz ki kami hai abhi

Nasir Kazmi

---

---

ulaunga na milunga na KHat likhunga tujhe
teri KHushi ke liye KHud ko ye saza dunga

Nasir Kazmi

---

---