kal jo tha wo aaj nahin jo aaj hai kal miT jaega
rukhi-sukhi jo mil jae shukr karo to behtar hai
Nasir Kazmi
aanch aati hai tere jism ki uryani se
pairahan hai ki sulagti hui shab hai koi
Nasir Kazmi
kabhi zulfon ki ghaTa ne ghera
kabhi aankhon ki chamak yaad aai
Nasir Kazmi
jurm-e-ummid ki saza hi de
mere haq mein bhi kuchh suna hi de
Nasir Kazmi
judaiyon ke zaKHm dard-e-zindagi ne bhar diye
tujhe bhi nind aa gai mujhe bhi sabr aa gaya
Nasir Kazmi
judaiyon ke zaKHm dard-e-zindagi ne bhar diye
tujhe bhi nind aa gai mujhe bhi sabr aa gaya
Nasir Kazmi
jinhen hum dekh kar jite the 'nasir'
wo log aankhon se ojhal ho gae hain
Nasir Kazmi
is shahr-e-be-charagh mein jaegi tu kahan
aa ai shab-e-firaq tujhe ghar hi le chalen
Nasir Kazmi
is qadar roya hun teri yaad mein
aaine aankhon ke dhundle ho gae
Nasir Kazmi