umr bhar ki nawa-gari ka sila
ai KHuda koi ham-nawa hi de

Nasir Kazmi

---

---

tu ne taron se shab ki mang bhari
mujh ko ek ashk-e-subh-gahi de

Nasir Kazmi

---

---

chup chup kyun rahte ho 'nasir'
ye kya rog laga rakkha hai

Nasir Kazmi

---

---

haal-e-dil hum bhi sunate lekin
jab wo ruKHsat hua tab yaad aaya

Nasir Kazmi

---

---

hansta pani rota pani
mujh ko aawazen deta tha

Nasir Kazmi

---

---

girafta-dil hain bahut aaj tere diwane
KHuda kare koi tere siwa na pahchane

Nasir Kazmi

---

---

gae dinon ka suragh le kar kidhar se aaya kidhar gaya wo
ajib manus ajnabi tha mujhe to hairan kar gaya wo

Nasir Kazmi

---

---

din guzara tha baDi mushkil se
phir tera wada-e-shab yaad aaya

Nasir Kazmi

---

---

din bhar to main duniya ke dhandon mein khoya raha
jab diwaron se dhup Dhali tum yaad aae

Nasir Kazmi

---

---