hasinon par nahin marta main is hasrat mein marta hun
ki aise aise logon ke liye zalim qaza kyun hai

Muztar Khairabadi

---

---

hasraton ko koi kahan rakkhe
dil ke andar qayam hai tera

Muztar Khairabadi

---

---

hasti-e-ghair ka sajda hai mohabbat mein gunah
aap hi apni parastish ke saza-war hain hum

Muztar Khairabadi

---

---

hazaron husn wale is zamin mein dafn hain 'muztar'
qayamat hogi jab ye sab ke sab madfan se niklenge

Muztar Khairabadi

---

---

iman sath jaega kyunkar KHuda ke ghar
kabe ka rasta to kalisa se mil gaya

Muztar Khairabadi

---

---

isa kabhi na jate lekin tumhaare gham mein
wo bhi to mar rahe hain jo aasman par hain

Muztar Khairabadi

---

---

isa se dawa-e-maraz-e-ishq na hogi
han un ko koi DhunD ke le aae kahin se

Muztar Khairabadi

---

---

ek hum hain ki hum ne tumhein mashuq banaya
ek tum ho ki tum ne hamein rakkha na kahin ka

Muztar Khairabadi

---

---

ek hum ki hum ko subh se hai sham ki KHushi
ek tum ki tum ko sham ka dhaDka sahar se hai

Muztar Khairabadi

---

---