saqi wo KHas taur ki talim de mujhe
us mai-kade mein jaun to pir-e-mughan rahun

Muztar Khairabadi

---

---

sadma but-e-kafir ki mohabbat ka na puchho
ye choT to kabe hi ke patthar se lagi hai

Muztar Khairabadi

---

---

subh tak kaun jiyega shab-e-tanhai mein
dil-e-nadan tujhe ummid-e-sahar hai bhi to kya

Muztar Khairabadi

---

---

sunoge haal jo mera to dad kya doge
yahi kahoge ki jhuTa hai tu zamane ka

Muztar Khairabadi

---

---

surat to ek hi thi do ghar hue to kya hai
dair-o-haram ki babat jhagDe fuzul Dale

Muztar Khairabadi

---

---

taDap hi taDap rah gai sirf baqi
ye kya le liya mere pahlu se tu ne

Muztar Khairabadi

---

---

tamanna ek tarah ki jaan hai jo marte dam nikle
judai ek tarah ki maut hai jo jite-ji aae

Muztar Khairabadi

---

---

tariq yaad hai pahle se dil lagane ka
usi ka main bhi hun majnun tha jis gharane ka

Muztar Khairabadi

---

---

tariq yaad hai pahle se dil lagane ka
usi ka main bhi hun majnun tha jis gharane ka

Muztar Khairabadi

---

---