mere bachchon mein sari aadaten maujud hain meri
to phir in bad-nasibon ko na kyun urdu zaban aai

Munawwar Rana

---

---

pachpan baras ki umr to hone ko aa gai
lekin wo chehra aaankhon se ojhal na ho saka

Munawwar Rana

---

---

nikalne hi nahin deti hain ashkon ko meri aankhen
ki ye bachche hamesha man ki nigarani mein rahte hain

Munawwar Rana

---

---

munawwar man ke aage yun kabhi khul kar nahin rona
jahan buniyaad ho itni nami achchhi nahin hoti

Munawwar Rana

---

---

mujhe bhi us ki judai satati rahti hai
use bhi KHwab mein beTa dikhai deta hai

Munawwar Rana

---

---

mohabbat ek pakiza amal hai is liye shayad
simaT kar sharm sari ek bose mein chali aai

Munawwar Rana

---

---

miTTi ka badan kar diya miTTi ke hawale
miTTi ko kahin taj-mahal mein nahin rakkha

Munawwar Rana

---

---

meri hatheli pe honTon se aisi mohr laga
ki umr bhar ke liye main bhi surKH-ru ho jaun

Munawwar Rana

---

---

lipaT jata hun man se aur mausi muskuraati hai
main urdu mein ghazal kahta hun hindi muskuraati hai

Munawwar Rana

---

---