tumhaari aankhon ki tauhin hai zara socho
tumhaara chahne wala sharab pita hai

Munawwar Rana

---

---

tumhein bhi nind si aane lagi hai thak gae hum bhi
chalo hum aaj ye qissa adhura chhoD dete hain

Munawwar Rana

---

---

wusat-e-sahra bhi munh apna chhupa kar nikli
sari duniya mere kamre ke barabar nikli

Munawwar Rana

---

---

ye aisa qarz hai jo main ada kar hi nahin sakta
mein jab tak ghar na lauTun meri man sajde mein rahti hai

Munawwar Rana

---

---

ye soch kar ki tera intizar lazim hai
tamam umr ghaDi ki taraf nahin dekha

Munawwar Rana

---

---

farishte aa kar un ke jism par KHushbu lagate hain
wo bachche rail ke Dibbon mein jo jhaDu lagate hain

Munawwar Rana

---

---

ab aap ki marzi hai sambhaalen na sambhaalen
KHushbu ki tarah aap ke rumal mein hum hain

Munawwar Rana

---

---

ab judai ke safar ko mere aasan karo
tum mujhe KHwab mein aa kar na pareshan karo

Munawwar Rana

---

---

abhi zinda hai man meri mujhe kuchh bhi nahin hoga
main ghar se jab nikalta hun dua bhi sath chalti hai

Munawwar Rana

---

---