go ki hum safha-e-hasti pe the ek harf-e-ghalat
lekin uTThe bhi to ek naqsh biTha kar uThe
Momin Khan Momin
hans hans ke wo mujh se hi mere qatl ki baaten
is tarah se karte hain ki goya na karenge
Momin Khan Momin
haal dil yar ko likkhun kyunkar
hath dil se juda nahin hota
Momin Khan Momin
haal-e-dil yar ko likhun kyunkar
hath dil se juda nahin hota
Momin Khan Momin
hath TuTen main ne gar chheDi hon zulfen aap ki
aap ke sar ki qasam baad-e-saba thi main na tha
Momin Khan Momin
hai kis ka intizar ki KHwab-e-adam se bhi
har bar chaunk paDte hain aawaz-e-pa ke sath
Momin Khan Momin
hai kuchh to baat 'momin' jo chha gai KHamoshi
kis but ko de diya dil kyun but se ban gae ho
Momin Khan Momin
hum samajhte hain aazmane ko
uzr kuchh chahiye satane ko
Momin Khan Momin
ho gae nam-e-butan sunte hi 'momin' be-qarar
hum na kahte the ki hazrat parsa kahne ko hain
Momin Khan Momin