hath TuTen main ne gar chheDi hon zulfen aap ki
aap ke sar ki qasam baad-e-saba thi main na tha

Momin Khan Momin

---

---

hai kis ka intizar ki KHwab-e-adam se bhi
har bar chaunk paDte hain aawaz-e-pa ke sath

Momin Khan Momin

---

---

hai kuchh to baat 'momin' jo chha gai KHamoshi
kis but ko de diya dil kyun but se ban gae ho

Momin Khan Momin

---

---

hum samajhte hain aazmane ko
uzr kuchh chahiye satane ko

Momin Khan Momin

---

---

ho gae nam-e-butan sunte hi 'momin' be-qarar
hum na kahte the ki hazrat parsa kahne ko hain

Momin Khan Momin

---

---

ho gaya raaz-e-ishq be-parda
us ne parde se jo nikala munh

Momin Khan Momin

---

---

itni kudurat ashk mein hairan hun kya kahun
dariya mein hai sarab ki dariya sarab mein

Momin Khan Momin

---

---

kal tum jo bazm-e-ghair mein aankhen chura gae
khoe gae hum aise ki aghyar pa gae

Momin Khan Momin

---

---

kis pe marte ho aap puchhte hain
mujh ko fikr-e-jawab ne mara

Momin Khan Momin

---

---