sahab ne is ghulam ko aazad kar diya
lo bandagi ki chhuT gae bandagi se hum

Momin Khan Momin

---

---

na karo ab nibah ki baaten
tum ko ai mehrban dekh liya

Momin Khan Momin

---

---

momin main apne nalon ke sadqe ki kahte hain
us ko bhi aaj nind na aai tamam sha

Momin Khan Momin

---

---

'momin' KHuda ke waste aisa makan na chhoD
dozaKH mein Dal KHuld ko ku-e-butan na chhoD

for sake of God! momin from leaving this house refrain
let paradise to hell consign, leave not the idol's lane

Momin Khan Momin

---

---

mere taghir-e-rang ko mat dekh
tujh ko apni nazar na ho jae

Momin Khan Momin

---

---

majlis mein mere zikr ke aate hi uThe wo
badnami-e-ushshaq ka eazaz to dekho

Momin Khan Momin

---

---

main bhi kuchh KHush nahin wafa kar ke
tum ne achchha kiya nibah na ki

Momin Khan Momin

---

---

mahshar mein pas kyun dam-e-fariyaad aa gaya
rahm us ne kab kiya tha ki ab yaad aa gaya

Momin Khan Momin

---

---

manga karenge ab se dua hijr-e-yar ki
aaKHir to dushmani hai asar ko dua ke sath

to be parted from my dearest I will pray now hence
as after all prayers bear enmity with consequence

Momin Khan Momin

---

---