duniya ko din din ko duniya karenge hum
tere banenge hum tujhe apna karenge hum

Manzar Lakhnavi

---

---

aap ki yaad mein roun bhi na main raaton ko
hun to majbur magar itna bhi majbur nahin

Manzar Lakhnavi

---

---

ek neamat tere mahjur ke hath aai hai
id ka chand charagh-e-shab-e-tanhai hai

Manzar Lakhnavi

---

---

gham mein kuchh gham ka mashghala kije
dard ki dard se dawa kije

Manzar Lakhnavi

---

---

ghar ko chhoDa hai KHuda jaane kahan jaane ko
ab samajh lijiye TuTa hua tara mujh ko

Manzar Lakhnavi

---

---

gulon se khel rahe hain nasim ke jhonke
qafas mein baiTha hua hath mal raha hun main

Manzar Lakhnavi

---

---

ghussa qatil ka na baDhta hai na kam hota hai
ek sar hai ki wo har rose qalam hota hai

Manzar Lakhnavi

---

---

hansi aane ki baat hai hans raha hun
mujhe log diwana farma rahe hain

Manzar Lakhnavi

---

---

hain sau tariqe aur bhi ai be-qarar dil
izhaar-e-shikwa shikwe ke andaz mein na ho

Manzar Lakhnavi

---

---