mera beDi pahanna tha ki duniya ki hawa badli
zamane ki bahaaren phaT paDin aa ke gulistan pa

Manzar Lakhnavi

---

---

marg-e-ashiq pe farishta maut ka badnam tha
wo hansi roke hue baiTha tha jis ka kaam tha

Manzar Lakhnavi

---

---

main tinke chunta phirta hun sayyaad tiliyan
tayyar ho raha hai qafas aashiyan ke sath

Manzar Lakhnavi

---

---

mangne par kya na dega taqat-e-sabr-o-sukun
jis ne be mange ata kar di pareshani mujhe

Manzar Lakhnavi

---

---

kuchh abr ko bhi zid hai 'manzar' meri tauba se
jab ahd kiya main ne ghanghor ghaTa chhai

Manzar Lakhnavi

---

---

kisi aankh mein nind aae to jaanun
mera qissa-e-gham kahani nahin hai

Manzar Lakhnavi

---

---

kis ka kucha hai aa gaya hun kahan
yan to kuchh nind aai jati hai

Manzar Lakhnavi

---

---

kijiye kyun murda armanon se chheD
sone walon ko to sone dijiye

Manzar Lakhnavi

---

---

khelna aag ke shoalon se kuchh aasan nahin
bas ye ek baat KHuda-dad hai parwane mein

Manzar Lakhnavi

---

---