wahshat wahshat teri tafrih ka saman hai abhi
ki gareban ka mere nam gareban hai abhi

Manzar Lakhnavi

---

---

wo to kahiye aap ki ulfat mein dil bahla raha
warna duniya chaar din bhi rahne ke qabil na thi

Manzar Lakhnavi

---

---

ye insan nadida ulfat ka mara
KHuda jaane kis kis ko sajda karega

Manzar Lakhnavi

---

---

zulm par zulm aa gae ghaalib
aable aablon ko chhoD gae

Manzar Lakhnavi

---

---

ek musa the ki un ka zikr har mahfil mein hai
aur ek main hun ki ab tak mere dil ki dil mein hai

Manzar Lakhnavi

---

---

ab itna aql se begana ho gaya hun main
gulon ke shikwe sitaron se kah raha hun main

Manzar Lakhnavi

---

---

ahd-e-shabab-e-rafta kya ahd-e-pur-faza tha
jine ka bhi maza tha marne ka bhi maza tha

Manzar Lakhnavi

---

---

ahl-e-mahshar dekh lun qatil ko to pahchan lun
bholi-bhaali shakl thi aur kuchh bhala sa nam tha

Manzar Lakhnavi

---

---

apni biti na kahun teri kahani na kahun
phir maza kahe se paida karun afsane mein

Manzar Lakhnavi

---

---