mere andar kai ehsas patthar ho rahe hain
ye shiraaza bikharna ab zaruri ho gaya hai

Khushbir Singh Shaad

---

---

up rang milta hai KHadd-o-KHal milte hain
aadmi nahin milta aadmi ke paikar mein

Khushbir Singh Shaad

---

---

'shad' itni baDh gai hain mere dil ki wahshaten
ab junun mein dasht aur ghar ek jaise ho gae

Khushbir Singh Shaad

---

---

the jis ka markazi kirdar ek umr talak
pata chala ki usi dastan ke the hi nahin

Khushbir Singh Shaad

---

---

yahi qatre banate hain kabhi to ghas par moti
kabhi shabnam ko ye simab mein tabdil karte hain

Khushbir Singh Shaad

---

---

ye mumkin hai tumhaara aks hi barham ho chehre se
ise tum aaine ki sargirani kyun samajhte ho

Khushbir Singh Shaad

---

---

ye sach hai chand lamhon ke liye bismil taDapta hai
phir is ke baad sari zindagi qatil taDapta hai

Khushbir Singh Shaad

---

---

ye tera taj nahin hai hamari pagDi hai
ye sar ke sath hi utregi sar ka hissa hai

Khushbir Singh Shaad

---

---

zara ye dhup Dhal jae to un ka haal puchhenge
yahan kuchh sae apne aap ko paikar batate hain

Khushbir Singh Shaad

---

---