KHushiyan dete dete aksar KHud gham mein mar jate hain
resham bunne wale kiDe resham mein mar jate hain

Khushbir Singh Shaad

---

---

andheron mein bhaTakna hai pareshani mein rahna hai
main jugnu hun mujhe ek shab ki virani mein rahna hai

Khushbir Singh Shaad

---

---

kai na-ashna chehre hijabon se nikal aae
nae kirdar mazi ki kitabon se nikal aae

Khushbir Singh Shaad

---

---

isi ummid par to kaT lin ye mushkilen hum ne
ab is ke baad to ai 'shad' aasani mein rahna hai

Khushbir Singh Shaad

---

---

hum apne ghar mein bhi ab be-sar-o-saman se rahte hain
hamare silsile KHana-KHarabon se nikal aae

Khushbir Singh Shaad

---

---

ek hum hain ki parastish pe aqida hi nahin
aur kuchh log yahan ban ke KHuda baiThe hain

Khushbir Singh Shaad

---

---

chalo achchha hua aaKHir tumhaari nind bhi TuTi
chalo achchha hua ab tum bhi KHwabon se nikal aae

Khushbir Singh Shaad

---

---

hanwar jab bhi kisi majbur kashti ko Dubota hai
to apni bebasi par dur se sahil taDapta hai

Khushbir Singh Shaad

---

---

ahut dinon se mere baam-o-dar ka hissa hai
meri tarah ye udasi bhi ghar ka hissa hai

Khushbir Singh Shaad

---

---