main apne-ap se har dam KHafa rahta hun yun 'azar'
purani dushmani ho jis tarah do KHandanon mein

Kafeel Aazar Amrohvi

---

---

ye hadsa to hua hi nahin hai tere baad
ghazal kisi ko kaha hi nahin hai tere baad

Kafeel Aazar Amrohvi

---

---

ye hadsa bhi tere shahr mein hua hoga
tamam shahr mujhe DhunDhta phira hoga

Kafeel Aazar Amrohvi

---

---

us ki aankhon mein utar jaane ko ji chahta hai
sham hoti hai to ghar jaane ko ji chahta hai

Kafeel Aazar Amrohvi

---

---

udasi ka samundar dekh lena
meri aankhon mein aa kar dekh lena

Kafeel Aazar Amrohvi

---

---

tumhaari bazm se nikle to hum ne ye socha
zamin se chand talak kitna fasla hoga

Kafeel Aazar Amrohvi

---

---

tum ko mahaul se ho jaegi nafrat 'azar'
itne nazdik se dekha na karo yaron ko

Kafeel Aazar Amrohvi

---

---

subh le jate hain hum apna janaza ghar se
sham ko phir use kandhon pe uTha late hain

Kafeel Aazar Amrohvi

---

---

mere hathon se khilaune chhin kar
mujh ko zaKHmon ki kahani de gaya

Kafeel Aazar Amrohvi

---

---