aur ab ye chahta hun koi gham baTae mera
main apni miTTi kabhi aap Dhone wala tha

Jamal Ehsani

---

---

duniya pasand aane lagi dil ko ab bahut
samjho ki ab ye bagh bhi murjhane wala hai

Jamal Ehsani

---

---

haarne walon ne is ruKH se bhi socha hoga
sar kaTana hai to hathiyar na Dale jaen

Jamal Ehsani

---

---

hum aise be-hunaron mein hai jo saliqa-e-zist
tere dayar mein pal-bhar qayam se aaya

Jamal Ehsani

---

---

hazar tarah ke the ranj pichhle mausam mein
par itna tha ki koi sath rone wala tha

Jamal Ehsani

---

---

ek safar mein koi do bar nahin luT sakta
ab dobara teri chahat nahin ki ja sakti

Jamal Ehsani

---

---

jaanta hun mere qissa-go ne
asl qisse ko chhupa rakkha hai

Jamal Ehsani

---

---

'jamal' har shahr se hai pyara wo shahr mujh ko
jahan se dekha tha pahli bar aasman main ne

Jamal Ehsani

---

---

jo pahle roz se do aanganon mein tha hail
wo fasla to zamin aasman mein bhi na tha

Jamal Ehsani

---

---