آئنے میں ہے فقط آپ کا عکس
آئنہ آپ کی صورت تو نہیں

حنیف اخگر

---

---

آنکھوں میں جل رہے تھے دیئے اعتبار کے
احساس ظلمت شب ہجراں نہیں رہا

حنیف اخگر

---

---

عجب ہے عالم عجب ہے منظر کہ سکتہ میں ہے یہ چشم حیرت
نقاب الٹ کر وہ آ گئے ہیں تو آئنے گنگنا رہے ہیں

حنیف اخگر

---

---

بزم کو رنگ سخن میں نے دیا ہے اخگرؔ
لوگ چپ چپ تھے مری طرز نوا سے پہلے

حنیف اخگر

---

---

بے شک اسیر گیسوئے جاناں ہیں بے شمار
ہے کوئی عشق میں بھی گرفتار دیکھنا

حنیف اخگر

---

---

دیکھیے رسوا نہ ہو جائے کہیں کار جنوں
اپنے دیوانے کو اک پتھر تو مارے جائیے

حنیف اخگر

---

---

دیکھو ہماری سمت کہ زندہ ہیں ہم ابھی
سچائیوں کی آخری پہچان کی طرح

حنیف اخگر

---

---

فقدان عروج رسن و دار نہیں ہے
منصور بہت ہیں لب اظہار نہیں ہے

حنیف اخگر

---

---

ہر طرف ہیں خانہ بربادی کے منظر بے شمار
کچھ ٹھکانہ ہے بھلا اس جذبۂ تعمیر کا

حنیف اخگر

---

---