faza tabassum-e-subh-e-bahaar thi lekin
pahunch ke manzil-e-jaanan pe aankh bhar aai

Firaq Gorakhpuri

---

---

ek rangini-e-zahir hai gulistan mein agar
ek shadabi-e-pinhan hai bayabanon mein

Firaq Gorakhpuri

---

---

ek muddat se teri yaad bhi aai na hamein
aur hum bhul gae hon tujhe aisa bhi nahin

Firaq Gorakhpuri

---

---

dil-dukhe roe hain shayad is jagah ai ku-e-dost
KHak ka itna chamak jaana zara dushwar tha

Firaq Gorakhpuri

---

---

dewtaon ka KHuda se hoga kaam
aadmi ko aadmi darkar hai

Firaq Gorakhpuri

---

---

dekh raftar-e-inqalab 'firaq'
kitni aahista aur kitni tez

Firaq Gorakhpuri

---

---

ek umr kaT gai hai tere intizar mein
aise bhi hain ki kaT na saki jin se ek raat

Firaq Gorakhpuri

---

---

ahut pahle se un qadmon ki aahaT jaan lete hain
tujhe ai zindagi hum dur se pahchan lete hain

Firaq Gorakhpuri

---

---

ahut hasin hai doshizgi-e-husn magar
ab aa gae ho to aao tumhein KHarab karen

Firaq Gorakhpuri

---

---