sunte hain ishq nam ke guzre hain ek buzurg
hum log bhi faqir isi silsile ke hain

Firaq Gorakhpuri

---

---

shamen kisi ko mangti hain aaj bhi 'firaq'
go zindagi mein yun mujhe koi kami nahin

Firaq Gorakhpuri

---

---

sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain

Firaq Gorakhpuri

---

---

chhalak ke kam na ho aisi koi sharab nahin
nigah-e-nargis-e-rana tera jawab nahin

Firaq Gorakhpuri

---

---

hazar bar zamana idhar se guzra hai
nai nai si hai kuchh teri rahguzar phir bhi

Firaq Gorakhpuri

---

---

hum se kya ho saka mohabbat mein
KHair tum ne to bewafai ki

Firaq Gorakhpuri

---

---

gharaz ki kaT diye zindagi ke din ai dost
wo teri yaad mein hon ya tujhe bhulane mein

Firaq Gorakhpuri

---

---

'ghaalib' o 'mir' 'mushafi'
hum bhi 'firaq' kam nahin

Firaq Gorakhpuri

---

---

'firaq' dauD gai ruh si zamane mein
kahan ka dard bhara tha mere fasane mein

Firaq Gorakhpuri

---

---