kami na ki tere wahshi ne KHak uDane mein
junun ka nam uchhalta raha zamane mein

Firaq Gorakhpuri

---

---

kam se kam maut se aisi mujhe ummid nahin
zindagi tu ne to dhoke pe diya hai dhoka

Firaq Gorakhpuri

---

---

kahan ka wasl tanhai ne shayad bhes badla hai
tere dam bhar ke mil jaane ko hum bhi kya samajhte hain

Firaq Gorakhpuri

---

---

aae the hanste khelte mai-KHane mein 'firaq'
jab pi chuke sharab to sanjida ho gae

we came to the tavern all gay and frolicsome
now having drunk the wine, somber have become

Firaq Gorakhpuri

---

---

jo un masum aankhon ne diye the
wo dhoke aaj tak main kha raha hun

Firaq Gorakhpuri

---

---

jo uljhi thi kabhi aadam ke hathon
wo gutthi aaj tak suljha raha hun

Firaq Gorakhpuri

---

---

jis mein ho yaad bhi teri shamil
hae us be-KHudi ko kya kahiye

Firaq Gorakhpuri

---

---

jahan mein thi bas ek afwah tere jalwon ki
charagh-e-dair-o-haram jhilmilae hain kya kya

Firaq Gorakhpuri

---

---

isi khanDar mein kahin kuchh diye hain TuTe hue
inhin se kaam chalao baDi udas hai raat

Firaq Gorakhpuri

---

---