main chala aaya tera husn-e-taghaful le kar
ab teri anjuman-e-naz mein rakkha kya hai

Fana Nizami Kanpuri

---

---

tark-e-watan ke baad hi qadr-e-watan hui
barson meri nigah mein diwar-o-dar phire

Fana Nizami Kanpuri

---

---

tartib de raha tha main fahrist-e-dushmanan
yaron ne itni baat pe KHanjar uTha liya

Fana Nizami Kanpuri

---

---

tere wadon pe kahan tak mera dil fareb khae
koi aisa kar bahana meri aas TuT jae

Fana Nizami Kanpuri

---

---

tu kuchh to mere zabt-e-mohabbat ka sila de
hangam-e-'fana' dida-e-pur-nam ki tarah aa

Fana Nizami Kanpuri

---

---

tu phul ki manind na shabnam ki tarah aa
ab ke kisi be-nam se mausam ki tarah aa

Fana Nizami Kanpuri

---

---

wo aankh kya jo aariz o ruKH par Thahar na jae
wo jalwa kya jo dida o dil mein utar na jae

Fana Nizami Kanpuri

---

---

yun dikhata hai aankhen hamein baghban
jaise gulshan pe kuchh haq hamara nahin

Fana Nizami Kanpuri

---

---

zindagi nam hai ek johd-e-musalsal ka 'fana'
rah-rau aur bhi thak jata hai aaram ke baad

Fana Nizami Kanpuri

---

---