uD gai yun wafa zamane se
kabhi goya kisi mein thi hi nahin
Dagh Dehlvi
tadbir se qismat ki burai nahin jati
bigDi hui taqdir banai nahin jati
Dagh Dehlvi
tamasha-e-dair-o-haram dekhte hain
tujhe har bahane se hum dekhte hain
Dagh Dehlvi
Thokar bhi rah-e-ishq mein khani zarur hai
chalta nahin hun rah ko hamwar dekh ka
Dagh Dehlvi
tum agar apni gun ke ho mashuq
apne matlab ke yar hum bhi hain
Dagh Dehlvi
tum ko aashufta-mizajon ki KHabar se kya kaam
tum sanwara karo baiThe hue gesu apne
Dagh Dehlvi
tum ko chaha to KHata kya hai bata do mujh ko
dusra koi to apna sa dikha do mujh ko
Dagh Dehlvi
tumhaara dil mere dil ke barabar ho nahin sakta
wo shisha ho nahin sakta ye patthar ho nahin sakta
Dagh Dehlvi
tumhaare KHat mein naya ek salam kis ka tha
na tha raqib to aaKHir wo nam kis ka tha
that new greeting in your note, from whom was it do say
if not my rival's signature, whose name was it then, pray?
Dagh Dehlvi