dekhna achchha nahin zanu pe rakh kar aaina
donon nazuk hain na rakhiyo aaine par aaina

Dagh Dehlvi

---

---

aao mil jao ki ye waqt na paoge kabhi
main bhi ham-rah zamane ke badal jaunga

Dagh Dehlvi

---

---

dafatan tark-e-talluq mein bhi ruswai hai
uljhe daman ko chhuDate nahin jhaTka de ka

Dagh Dehlvi

---

---

'dagh' ko kaun dene wala tha
jo diya ai KHuda diya tu ne

Dagh Dehlvi

---

---

chup-chap sunti rahti hai pahron shab-e-firaq
taswir-e-yar ko hai meri guftugu pasand

Dagh Dehlvi

---

---

chheD mashuq se kije to zara tham tham kar
roz ke nama o paigham bure hote hain

Dagh Dehlvi

---

---

chaak ho parda-e-wahshat mujhe manzur nahin
warna ye hath gireban se kuchh dur nahin

Dagh Dehlvi

---

---

chah ki chitwan mein aankh us ki sharmai hui
taD li majlis mein sab ne saKHt ruswai hui

Dagh Dehlvi

---

---

hawen tanti hain KHanjar hath mein hai tan ke baiThe hain
kisi se aaj bigDi hai ki wo yun ban ke baiThe hain

Dagh Dehlvi

---

---