hum bhi kya zindagi guzar gae
dil ki bazi laga ke haar gae

Dagh Dehlvi

---

---

hamari taraf ab wo kam dekhte hain
wo nazren nahin jin ko hum dekhte hain

Dagh Dehlvi

---

---

hamein hai shauq ki be-parda tum ko dekhenge
tumhein hai sharm to aankhon pe hath dhar lena

Dagh Dehlvi

---

---

hasraten le gae is bazm se chalne wale
hath malte hi uThe itr ke malne wale

Dagh Dehlvi

---

---

hazar bar jo manga karo to kya hasil
dua wahi hai jo dil se kabhi nikalti hai

Dagh Dehlvi

---

---

hazaron kaam mohabbat mein hain maze ke 'dagh'
jo log kuchh nahin karte kamal karte hain

Dagh Dehlvi

---

---

hazrat-e-'dagh' hai ye kucha-e-qatil uThiye
jis jagah baiThte hain aap to jam jate hain

Dagh Dehlvi

---

---

hazrat-e-dagh jahan baiTh gae baiTh gae
aur honge teri mahfil se ubharne wale

Dagh Dehlvi

---

---

hazrat-e-dil aap hain kis dhyan mein
mar gae lakhon isi arman mein

Dagh Dehlvi

---

---