mujh gunahgar ko jo baKHsh diya
to jahannam ko kya diya tu ne
if you have forgiven offences such as mine
then to nether world what did you consign
Dagh Dehlvi
jis KHat pe ye lagai usi ka mila jawab
ek mohr mere pas hai dushman ke nam ki
Dagh Dehlvi
jis mein lakhon baras ki huren hon
aisi jannat ko kya kare koi
where virgins aged a million years reside
hopes for such a heaven why abide
Dagh Dehlvi
jo guzarte hain 'dagh' par sadme
aap banda-nawaz kya jaanen
Dagh Dehlvi
jo tumhaari tarah tum se koi jhuTe wade karta
tumhin munsifi se kah do tumhein e'tibar hota
Dagh Dehlvi
josh-e-rahmat ke waste zahid
hai zara si gunah-gari shart
Dagh Dehlvi
kahin hai id ki shadi kahin matam hai maqtal mein
koi qatil se milta hai koi bismil se milta hai
festive joy in places, elsewhere gloom of genocide
some like the murderer rejoice, some victim-like abide
Dagh Dehlvi
kahne deti nahin kuchh munh se mohabbat meri
lab pe rah jati hai aa aa ke shikayat meri
from voicing my emotions, love makes me refrain
grievances come to my lips but silent there remain
Dagh Dehlvi
kal tak to aashna the magar aaj ghair ho
do din mein ye mizaj hai aage ki KHair ho
Dagh Dehlvi