na thi haal ki jab hamein apne KHabar rahe dekhte auron ke aib o hunar
paDi apni buraiyon par jo nazar to nigah mein koi bura na raha

while unknowing of myself, in others faults did often see
when my own shortcomings saw, found no one else as bad as me

Bahadur Shah Zafar

---

---

marg hi sehat hai us ki marg hi us ka ilaj
ishq ka bimar kya jaane dawa kya chiz hai

Bahadur Shah Zafar

---

---

main sisakta rah gaya aur mar gae farhad o qais
kya unhi donon ke hisse mein qaza thi main na tha

Bahadur Shah Zafar

---

---

logon ka ehsan hai mujh par aur tera main shukr-guzar
tir-e-nazar se tum ne mara lash uThai logon ne

I owe people a favour and I am grateful to you
they carried my coffin when with a glance you slew

Bahadur Shah Zafar

---

---

lagta nahin hai dil mera ujDe dayar mein
kis ki bani hai aalam-e-na-paedar mein

my heart, these dismal ruins, cannot now placate
who can find sustenance in this unstable state

Bahadur Shah Zafar

---

---

laDa kar aankh us se hum ne dushman kar liya apna
nigah ko naz ko andaz ko abru ko mizhgan ko

Bahadur Shah Zafar

---

---

kya tab kya majal hamari ki bosa len
lab ko tumhaare lab se mila kar kahe baghai

Bahadur Shah Zafar

---

---

kya puchhta hai hum se tu ai shoKH sitamgar
jo tu ne kiye hum pe sitam kah nahin sakte

Bahadur Shah Zafar

---

---

koi kyun kisi ka lubhae dil koi kya kisi se lagae dil
wo jo bechte the dawa-e-dil wo dukan apni baDha gae

Bahadur Shah Zafar

---

---