hamdamo dil ke lagane mein kaho lagta hai kya
par chhuDana is ka mushkil hai lagana sahl hai

Bahadur Shah Zafar

---

---

ho gaya jis din se apne dil par us ko iKHtiyar
iKHtiyar apna gaya be-iKHtiyari rah gai

Bahadur Shah Zafar

---

---

idhar KHayal mere dil mein zulf ka guzra
udhar wo khata hua dil mein pech-o-tab aaya

Bahadur Shah Zafar

---

---

itna na apne jame se bahar nikal ke chal
duniya hai chal-chalaw ka rasta sambhal ke chal

Bahadur Shah Zafar

---

---

jo tu ho saf to kuchh main bhi saf tujh se kahun
tere hai dil mein kudurat kahun to kis se kahun

Bahadur Shah Zafar

---

---

kah do in hasraton se kahin aur ja basen
itni jagah kahan hai dil-e-dagh-dar mein

tell all my desires to go find another place
in this scarred heart alas there isn't enough space

Bahadur Shah Zafar

---

---

KHuda ke waste zahid uTha parda na kabe ka
kahin aisa na ho yan bhi wahi kafir-sanam nikle

Bahadur Shah Zafar

---

---

KHwab mera hai ain bedari
main to us mein bhi dekhta kuchh hun

Bahadur Shah Zafar

---

---