daulat-e-duniya nahin jaane ki hargiz tere sath
baad tere sab yahin ai be-KHabar baT jaegi

Bahadur Shah Zafar

---

---

dekh dil ko mere o kafir-e-be-pir na toD
ghar hai allah ka ye is ki to tamir na toD

Bahadur Shah Zafar

---

---

dil ko dil se rah hai to jis tarah se hum tujhe
yaad karte hain kare yun hi hamein bhi yaad tu

Bahadur Shah Zafar

---

---

farhad o qais o wamiq o azra the chaar dost
ab hum bhi aa mile to hue mil ke chaar panch

Bahadur Shah Zafar

---

---

ai wae inqalab zamane ke jaur se
dilli 'zafar' ke hath se pal mein nikal gai

Bahadur Shah Zafar

---

---

haal-e-dil kyun kar karen apna bayan achchhi tarah
ru-ba-ru un ke nahin chalti zaban achchhi tarah

Bahadur Shah Zafar

---

---

hath kyun bandhe mere chhalla agar chori hua
ye sarapa shoKHi-e-rang-e-hina thi main na tha

Bahadur Shah Zafar

---

---

hum apna ishq chamkaen tum apna husn chamkao
ki hairan dekh kar aalam hamein bhi ho tumhein bhi ho

Bahadur Shah Zafar

---

---

hum hi un ko baam pe lae aur hamin mahrum rahe
parda hamare nam se uTTha aankh laDai logon ne

I had brought her to the stage and then I was denied
the curtain, in my name, was raised, but others gratified

Bahadur Shah Zafar

---

---