dil ki aaludgi-e-zaKHm baDhi jati hai
sans leta hun to ab KHun ki bu aati hai

Aziz Lakhnavi

---

---

dil nahin jab to KHak hai duniya
asal jo chiz thi wahi na rahi

Aziz Lakhnavi

---

---

dil samajhta tha ki KHalwat mein wo tanha honge
main ne parda jo uThaya to qayamat nikli

Aziz Lakhnavi

---

---

duaen mangi hain saqi ne khol kar zulfen
basan-e-dast-e-karam abr-e-dajla-bar baras

Aziz Lakhnavi

---

---

duniya ka KHun daur-e-mohabbat mein hai safed
aawaz aa rahi hai lab-e-ju-e-shir se

Aziz Lakhnavi

---

---

aaina chhoD ke dekha kiye surat meri
dil-e-muztar ne mere un ko sanwarne na diya

Aziz Lakhnavi

---

---

hadsat-e-dahr mein wabasta-e-arbab-e-dard
li jahan karwaT kisi ne inqalab aa hi gaya

Aziz Lakhnavi

---

---

hum to dil hi par samajhte the buton ka iKHtiyar
nasb-e-kaba mein bhi ab tak ek patthar rah gaya

Aziz Lakhnavi

---

---

hamesha se mizaj-e-husn mein diqqat-pasandi hai
meri dushwariyan aasan hona saKHt mushkil hai

Aziz Lakhnavi

---

---