taqlid ab main hazrat-e-waiz ki kyun karun
saqi ne de diya mujhe fatwa jawaz ka

Aziz Lakhnavi

---

---

teri koshish hum ai dil sai-e-la-hasil samajhte hain
sar-e-manzil tujhe begana-e-manzil samajhte hain

Aziz Lakhnavi

---

---

tum ne chheDa to kuchh khule hum bhi
baat par baat yaad aati hai

Aziz Lakhnavi

---

---

tumhein hanste hue dekha hai jab se
mujhe rone ki aadat ho gai hai

Aziz Lakhnavi

---

---

udasi ab kisi ka rang jamne hi nahin deti
kahan tak phul barsae koi gor-e-ghariban pa

Aziz Lakhnavi

---

---

wahi hikayat-e-dil thi wahi shikayat-e-dil
thi ek baat jahan se bhi ibtida karte

Aziz Lakhnavi

---

---

ye mashwara baham uTThe hain chaara-ju karte
ki ab mariz ko achchha tha qibla-ru karte

Aziz Lakhnavi

---

---

ye teri aarzu mein baDhi wusat-e-nazar
duniya hai sab meri nigah-e-intizar mein

Aziz Lakhnavi

---

---

zaban dil ki haqiqat ko kya bayan karti
kisi ka haal kisi se kaha nahin jata

Aziz Lakhnavi

---

---