hae kya chiz thi jawani bhi
ab to din raat yaad aati hai

Aziz Lakhnavi

---

---

aap jis dil se gurezan the usi dil se mile
dekhiye DhunDh nikala hai kahan se main ne

Aziz Lakhnavi

---

---

ahd mein tere zulm kya na hua
KHair guzri ki tu KHuda na hua

Aziz Lakhnavi

---

---

ai soz-e-ishq-e-pinhan ab qissa muKHtasar hai
iksir ho chala hun ek aanch ki kasar hai

Aziz Lakhnavi

---

---

apne markaz ki taraf mail-e-parwaz tha husn
bhulta hi nahin aalam teri angDai ka

Aziz Lakhnavi

---

---

ani hain shahr-ashob-e-tamanna
KHumar-aluda aankhen raat-bhar ki

Aziz Lakhnavi

---

---

atao aise marizon ka hai ilaj koi
ki jin se haal bhi apna bayan nahin hota

Aziz Lakhnavi

---

---

e-KHudi kucha-e-jaanan mein liye jati hai
dekhiye kaun mujhe meri KHabar deta hai

Aziz Lakhnavi

---

---

dil ke ajza mein nahin milta koi juzw-e-nishat
is sahife se kisi ne ek waraq kam kar diya

Aziz Lakhnavi

---

---